È na femmena ca t'ammalia e tte seduce:
ogni ssera stuta poco a ppoco 'e lluce.
Arravugliata 'int'ô velo niro fa quase paura,
quanno ll'ombre s'accavallano 'int'ô scuro.
Ê vvide longhe longhe nfaccia ô muro:
senza vise, senz'uocchie, senza culure.
Sulo sotto 'a luce 'e nu gruosso lampione,
pe quaccheduno se cerca pe ll'attuorno:
na coppia accalurata 'e nnammurate
s'accarezza, se vasa e ppare juorno.
Se toccano fremmenno cuorpe cucente...
'a notte ll'accummoglia cumpiacente.
Ogni ntanto s'aizeno ncielo lampetelle:
so' lluce ca stanno p'addivintà stelle.
Nu nennillo chiagne mpaurito dint'ô scuro...
nu vaso 'e mamma ô fa sentere ô ssicuro.
Quanno 'o juorno se sceta, tuzzulea â porta,
accumpareno na rusella, nu tulipano.
S'appicciano una â vota tutte 'e lluce,
'a terra e 'o cielo se salutano 'a luntano.
S'arrapeno 'e ffeneste, 'o sole trase e ccoce:
è 'o juorno ca pe se fa sentere aiza 'a voce.
'O scuro se culora... 'a notte s'alluntana,
ll'aria se nsapora e se mprufumma 'e pane.
ogni ssera stuta poco a ppoco 'e lluce.
Arravugliata 'int'ô velo niro fa quase paura,
quanno ll'ombre s'accavallano 'int'ô scuro.
Ê vvide longhe longhe nfaccia ô muro:
senza vise, senz'uocchie, senza culure.
Sulo sotto 'a luce 'e nu gruosso lampione,
pe quaccheduno se cerca pe ll'attuorno:
na coppia accalurata 'e nnammurate
s'accarezza, se vasa e ppare juorno.
Se toccano fremmenno cuorpe cucente...
'a notte ll'accummoglia cumpiacente.
Ogni ntanto s'aizeno ncielo lampetelle:
so' lluce ca stanno p'addivintà stelle.
Nu nennillo chiagne mpaurito dint'ô scuro...
nu vaso 'e mamma ô fa sentere ô ssicuro.
Quanno 'o juorno se sceta, tuzzulea â porta,
accumpareno na rusella, nu tulipano.
S'appicciano una â vota tutte 'e lluce,
'a terra e 'o cielo se salutano 'a luntano.
S'arrapeno 'e ffeneste, 'o sole trase e ccoce:
è 'o juorno ca pe se fa sentere aiza 'a voce.
'O scuro se culora... 'a notte s'alluntana,
ll'aria se nsapora e se mprufumma 'e pane.
