In dialetto Veronese.
Da bòcia zugavo par campi de gran
in giro par strodi , descalso col can;
in giro a paiàri, par buse e fosi
deolta in olta a catar sù i riossi.
Par el duro de recia, quante bòte ciàpae
ghi nò fato de bele, de brute, tute passae;
vesighe ai sgarleti, in meso a le ortighe,
a giugno spacavo tute le righe.
Me mama poareta, la tirava el careto,
la girava la giostra come on mussèto,
se gavea gnente, ma se gera siuri,
siuri de brassa e la sera mauri.
Varda la cioca che la mena i punsini
in mèso la lòssa catar sù i sentjìni,
la beca, la scava sta tera che spusa,
la giostra torno ai fiui parchè no i baruffa.
Chei di che piovea, la casa sgosava
zo par i solari le gosse sbrisiava
e soto bandoti, teie, scudele;
a la man strase, strasuni a sugar le piastrele.
e culpi de tuni e sciantisi de lampi
scorlava i travi, i vieri, se fasea i pianti,
soto la tola i ne scondea i veci
con on puotto par man parchè non piansesi,
Quando le siarese le gera maure
su par le piante a sercar le paure,
de note col scuro de gnente paura
sfoiar le rame a magnar chela maura,
on poche in scarsela chelaltre in fanela
ghe gera na cagnara de peso Brighela.
Le gera jornade de feste poarete
in corte i balava, i cantava storiete,
e mi sentà so na piera a vardare
i ciuchi dal goto e i sonaduri sonare.
E desso ste qua le robe che ride,
i crede a gnente sti tusi che vive;
i spende, i spande, i zuga coi schei
i barufa e i copa anca i fradei.
I ricordi i è bei, i se pensa, i se sogna;
ciapemo on sento che dormemo, bisogna.
E sto quà le Vangelo de mi sì bocia
stano che vien ve dirò naltra strofa.
Commenti
da bambino giocavo per campi di grano
in giro a sentieri scalzo con il cane
in giro a pagliai,per buche e fossi
e ogni tanto a rccogliere le radici di giaggiolo.
Per il duro d'orecchio,quante botte presi
ne ho fatto di belle,di brutte,tutte passate
bolle alle gambe in mezzo alle ortiche
a giugno rompevo tutte le righe.
Mia mamma poveraccia trainava il carretto
girava la giostra come un mulo
non si aveva nulla,ma eravamo ricchi
ricchi di braccia e alla sera molto stanchi.
Guarda la gallina che porta i pulcini
in mezzo alla melma a beccare i vermi
becca,scava questa terra che puzza
e gira intorno ai pulcini perché non litigano.
Quei giorni che pioveva la casa gocciolava
giù per i solai le gocce uscivano
e sotto barattoli,teglie,scodelle
e alla mano panni. stracci per asciugare il pavimento.
e colpi di tuoni e lampeggiare di lampi
si muovevano i travi,i vetri, si facevano i pianti
sotto alla tavola ci mettevano i genitori
con un giocattolo nella mano perché non piangessimo..
Quando le ciliegie erano mature
su per le piante a cercar le paure
di notte con lo scuro di niente paura
sfogliare i rami e cercar quella matura
un poche in tasca le altre sotto la camicia
c'era un chiasso,una confusione di peggio carnevale.
Erano giornate di feste povere
nel cortile ballavano,cantavano storielle
e io seduto sopra una pietra a guardare
gli ubriaconi e i suonatori suonare.
e queste adesso sono cose che fanno ridere
non credono a niente questi giovani che vivono
spendono,sperperano, giocano con i soldi
litigano e uccidono anche i fratelli.
I ricordi sono belli,si pensano,si sognano
prendiamo uno sdraio e dormiamo,bisogna
e questo è Vangelo di me quando ero bambino
l'anno prossimo ve ne racconto un'altra.
Complimenti