Dint'â 'nnu cascione, chine 'e ghirlande e alloro,
ce stà 'nu core 'e mamma fra mille ragge d'oro.
Tutt'attuorno 'nu ciardino 'ncantato,
'allerea 'o naso 'e 'nu prufumo 'e prato,
All'intrasatto accumpare 'nu bagljore,
chin''e sentimente, borotalco e ammore.
È 'na mamma, bella, doce e appassiunata.
'Mpruvvisamente vierno, addeventa estate.
Tu mamma, me scummuoglje, m'arrape e pò me chiure.
Cu tte nun tengo segrete e mme rimango annura.
Spisso ce parlamme e c'accarezzamme cu 'o sguardo
e si tu mme saje sentere, nun pozzo essere buciarda.
Maga, miereco, fattucchiara, bbiata.
Sì tutt'ê ccose cchiù bbelle ammiscate.
Si putesse te 'nfezzasse dint'â vorza,
facennete addeventà vurzellino,
pe te tennere astretta e sempe cchiù vvicino.
Accussì cammenasse cuntenta e lieta,
quanno sò stanca e coccosa mme 'nquieta.
'O sguardo me s'apposa 'ncoppa 'a ddoje scelle
ca tiene annascuse dint'ê sspalle 'ncurvate,.
te veco addivintà n'angelo, 'na farfalla e po' 'na fata.
Allora, 'nsieme a tte mme metto liggiera a vulà,
mentre tu guardanneme me dice:"Stò ccà, bell'ê mammà."
ce stà 'nu core 'e mamma fra mille ragge d'oro.
Tutt'attuorno 'nu ciardino 'ncantato,
'allerea 'o naso 'e 'nu prufumo 'e prato,
All'intrasatto accumpare 'nu bagljore,
chin''e sentimente, borotalco e ammore.
È 'na mamma, bella, doce e appassiunata.
'Mpruvvisamente vierno, addeventa estate.
Tu mamma, me scummuoglje, m'arrape e pò me chiure.
Cu tte nun tengo segrete e mme rimango annura.
Spisso ce parlamme e c'accarezzamme cu 'o sguardo
e si tu mme saje sentere, nun pozzo essere buciarda.
Maga, miereco, fattucchiara, bbiata.
Sì tutt'ê ccose cchiù bbelle ammiscate.
Si putesse te 'nfezzasse dint'â vorza,
facennete addeventà vurzellino,
pe te tennere astretta e sempe cchiù vvicino.
Accussì cammenasse cuntenta e lieta,
quanno sò stanca e coccosa mme 'nquieta.
'O sguardo me s'apposa 'ncoppa 'a ddoje scelle
ca tiene annascuse dint'ê sspalle 'ncurvate,.
te veco addivintà n'angelo, 'na farfalla e po' 'na fata.
Allora, 'nsieme a tte mme metto liggiera a vulà,
mentre tu guardanneme me dice:"Stò ccà, bell'ê mammà."
Commenti
LIETA DOMENICA GIOVANNA.
*****
Sarà che parla della mamma, che è scritta in dialetto che la rende più verace, sanguigna,
ma è una poesia che emoziona.... Complimenti! Ciao... ^.^